WeCamping
ໃນປະຈຸບັນ ກິດຈະກຳຕ່າງໆໄດ້ມີພາລະບົດບາດ ແລະ ເຊື່ອມໂຍງກັບດ້ານການສຶກສາເຮັດໃຫ້ນັກສຶກສາໄດ້ມີຄວາມຫ້າວຫັນ, ຄວາມສາມາດກ້າສະແດງອອກ, ແນວຄິດສ້າງສັນ ແລະ ພັດທະນາສິ່ງໃໝ່ໆຢ່າງສະເໝີມາ. ກຸ່ມອາສາສຸດສະກະ ຢູ່ພາຍໃຕ້ການຊີ້ນຳຂອງສະຖາບັນ ເຕັກໂນໂລຊີ ສຸດສະກະ ເປັນກຸ່ມອາດີດນັກສຶກສາ ແລະ ນັກສຶກສາປະຈຸບັນທີ່ມີເປົ້າໝາຍອັນດຽວກັນກໍ່ຄືພັດທະນານັກສຶກສາ ແລະ ກິດຈະກຳໃຫ້ເຂັ້ມແຂງ ຈຶ່ງໄດ້ສ້າງພື້ນຖານໃຫ້ກັບສະມາຊິກກຸ່ມອາສາສຸດສະກະເພື່ອໃຫ້ໄດ້ມາດຕະຖານ ແລະ ເປັນຜູ້ສືບທອດລຸ້ນຕໍ່ໆໄປ ດັ່ງນັ້ນ, ຈຶ່ງເກີດມີຄ້າຍອາສາສຸດສະກະ ພາຍໃຕ້ໂຄງການ “WeCamping ຄ້າຍຂອງພວກເຮົາ” ເຊິ່ງປີນີ້ກຸ່ມອາສາສຸດສະກະໄດ້ຈັດຄ້າຍເຝິກຝົນໃນຫົວຂໍ້ ເສີມສ້າງທັກສະຄວາມເປັນຜູ້ນຳ ສົກຮຽນ 2020 – 2021 ນອກຈາກນັກສຶກສາແລ້ວກໍ່ຍັງມີບັນດາຄູອາຈານເປັນຜູ້ນຳພາ ແລະ ຮ່ວມເຝິກຝົນໃນຄັ້ງນີ້ດ້ວຍ.